Мин — мөселман кызы!

«Аллаһыга тапшырдым», — дип,
Башлыйм һәрбер эшемне.
Аллаһ разый булсын өчен,
Кызганмыйм һич көчемне. 

Намаз укыйм, дога кылам
Тик бер Раббым хакына.
Укуда да, эштә дә мин
Таянам Аллаһыма.
Ашаган ипиемнең дә
Кадерен бик беләмен.
Чөнки беләм һәр ризыкны
Аллаһ Үзе биргәнен.

Иманым саекмасын дип,
Зур гөнаһлар кылмыймын.
Аллаһ разый булсын өчен,
Әти-әнине зурлыймын.

Аллаһ кушканча яшимен,
Мин – мөселман кызымын.
Динем – Ислам, иманым саф
Булу белән горурмын!!!