Өмет

Олы бер сер ачты бүген сиңа күкләр —


Хәтер генә аны онытты.



Төштә иде. Якты төштә иде


Күп сорауга җавап табышырлык



Күк болыты.






Олы бер юл ачты бүген сиңа күкләр —


Күрмәдеңме, белмим... Тик кермәдең.



— Әйләнчектән якын-яхшырак, дип,


Буш далага таба эз көрәдең.






Могҗизасын ачты сиңа күкләр бүген —



Үз күзеңә үзең ышанмадың.


Тик бер адым — һәм син бәхет яклы!



Син шикләндең әмма. Кымшанмадың.






Соравыңа җавап бирде бүген күкләр.


Син уяндың иртән — өмет тулы.



Кемдер: «Юләр», — диер булса кирәк.


Тик син ачкан серләр аннан



Күпкә бөек булыр.