Хат

Күкләрдән адәмгә хаттыр бу —


Җаннарны иркәли таң җиле.



Бу — минем тәнемнең оясы,


Бу — газиз һәм бердәнбер илем.






Күкләрдән адәмгә хаттыр бу —



Тояр тик күңелнең сизгере.


Азанга күмелгән авылның



Йокыны чеметкән мизгеле.


Күкләрдән адәмгә хаттыр бу —



Илаһи көчләрнең тәэсире.


Бу җил бит — әйтәсе сүзләрнең



Хәрефсез язылган тәфсире.






Адәмне яраткан Хак бит бу!..


Күкләрдән адәмгә хат бит бу...



Дөньясын онытып йоклаган


Адәмгә (и, мескен!) ят бит бу...