Мөфти хәзрәткә

                               Үлгәннән соң макталу вә сагынылу — терек булу, 
                               Әмма терек вакытта макталу — үлү вә онытылу. 

                                                                                                   Ризаэтдин Фәхретдин 






Түзеп булмас!..


Түзеп булмас янә безнең җирдә



Шайтан өермәсе калкуга.


Тел сагына — Тукай,



Дин сагына


Фәхретдине кирәк халкыма!






Кемнәрнедер артык борчыганда



Ватандагы рухи төрлелек,


Кире кайт син безгә, әй Фәхретдин,



Өр-яңадан җиргә терелеп.






Без — мохтаҗлар.


Рухның сүрән чагы.



Хаҗәт безгә иман-тәрбия.


Һичьюгында синең дәресләрең



Җитеп торыр иде әлегә.






Түзеп булмас!


Шайтан өермәсе



Илгә, телгә, дингә кул сала.


Кайт син безгә, кайтчы, мөфти хәзрәт,



Рухың белән генә булса да.