Ислам

Ислам — дөньяда иң хак дин,


Ислам — дөньяда иң пакь дин.



Раббыбыз Аллаһ — хак Раббы,


Һәр кимчелектән пакь Раббы.



Исламның биш баганасы бар


Беренчесе — иман китерү.



«Лә иләһе илләллаһ» сүзен


Тиешле һәркемгә әйтү.



Икенчесе — намаз уку.


Ул — көндәлек гыйбадәт.



Намазны бер дә калдырма,


Калдырсаң, бу кәффәрәт.



Рамазанда ураза тот


Бу — өченче багана.



Һәм үзеңнән зәкят чыгар


Бу — дүртенче багана.



Мөмкинлегең булса — хаҗ кыл


Аллаһ безгә шулай кушты.



Бу бишенче баганасы,


Һәм соңгы багана булды.



Кушкан әмерне үтәсәң


Җәннәткә юл ачыла.



Аллаһ шулай вәгъдә биргән! —


Ул вәгъдәсендә тора.